---
title: "#Peringathur Expo |   പെരിങ്ങത്തൂർ എക്സ്പോയ്ക്ക് ഇന്ന് തുടക്കം; ഔദ്യോഗിക ഉദ്ഘാടനം നാളെ"
english_title: "#Peringathur Expo begins today#Official #opening# tomorrow"
publisher: "panoornews.in"
canonical_url: "https://panoor.truevisionnews.com/news/164461/peringathur-expo-begins-todayofficial-opening-tomorrow"
published_at: "2023-11-23T11:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/655eef8abaddc_Untitled-6_copy.jpg"
keywords: []
---

# #Peringathur Expo |   പെരിങ്ങത്തൂർ എക്സ്പോയ്ക്ക് ഇന്ന് തുടക്കം; ഔദ്യോഗിക ഉദ്ഘാടനം നാളെ

> **Lead Summary:** **പെരിങ്ങത്തൂർ: **പെരിങ്ങത്തൂരിൽ ഇന്നുമുതൽ ആഘോഷത്തിന്റെ ആരവം ഉയരുകയാണ്. വ്യാപാരി വ്യവസായി ഏകോപന സമിതി സംഘടിപ്പിക്കുന്ന പെരിങ്ങത്തൂർ 2023ന് ഇന്ന് തിരി തെളിയുകയാണ്. നാളെ വൈകുന്നേരം 6 മണിക്ക് എക്സ്പോ നഗരിയിൽ ഉദ്ഘാടന സമ്മേളനം നടക്കും. മൂസ ശിഫ സ്വാഗതം പറയുന്ന ചടങ്ങിൽ ഹമീദ് കിടഞ്ഞി അധ്യക്ഷത വഹിക്കും.

## Article Content

**പെരിങ്ങത്തൂർ: **പെരിങ്ങത്തൂരിൽ ഇന്നുമുതൽ ആഘോഷത്തിന്റെ ആരവം ഉയരുകയാണ്. വ്യാപാരി വ്യവസായി ഏകോപന സമിതി സംഘടിപ്പിക്കുന്ന പെരിങ്ങത്തൂർ 2023ന് ഇന്ന് തിരി തെളിയുകയാണ്. നാളെ വൈകുന്നേരം 6 മണിക്ക് എക്സ്പോ നഗരിയിൽ ഉദ്ഘാടന സമ്മേളനം നടക്കും. മൂസ ശിഫ സ്വാഗതം പറയുന്ന ചടങ്ങിൽ ഹമീദ് കിടഞ്ഞി അധ്യക്ഷത വഹിക്കും.

എംഎൽഎ കെ പി മോഹനൻ എക്സ്പോ ഉദ്ഘാടനം ചെയ്യും. സബ് കളക്ടർ സന്ദീപ് കുമാർ ഐഎഎസ് ചടങ്ങിന് മുഖ്യാതിഥിയാവും. പാനൂർ നഗരസഭ മുൻസിപ്പൽ ചെയർമാൻ വി നാസർ മാസ്റ്റർ ആമുഖപ്രഭാഷണം നടത്തും. കേരള വ്യാപാരി വ്യവസായ ഏകോപന സമിതി സംസ്ഥാന ജനറൽ സെക്രട്ടറി ദേവസ്യ മേച്ചേരി ഉദ്ഘാടനത്തിൽ വിശിഷ്ടാഥിതിയാവും. വികസനകാര്യ സ്റ്റാൻഡിങ് കമ്മിറ്റി ചെയർമാൻ ഹനീഫ ടി കെ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഉമൈസ തിരുവമ്പാടി.

ആരോഗ്യ കാര്യ സ്റ്റാൻഡിങ് കമ്മിറ്റി ചെയർമാൻ എൻ എ കരീം, സൈനുദ്ദീൻ തങ്ങൾ, സി കെ രാജൻ, കെ ഇ കുഞ്ഞബ്ദുള്ള, പി കെ ഷാഹുൽ ഹമീദ്, അഡ്വ ഷുഹൈബ്, എംപികെ അയ്യൂബ്, പി ദിനേശൻ, രാജേഷ് കൊച്ചിയങ്ങാടി, കെ രാമചന്ദ്രൻ, കെ പി ശിവപ്രസാദ്, മുസ്തഫ കല്ലുമ്മൽ, വത്സൻ ബാബു തുടങ്ങിയവർ ചടങ്ങിന് ആശംസകൾ അർപ്പിക്കും. ഷഫീഖ് ലോക്ക് വേൾഡ് പരിപാടിയിൽ നന്ദി പറയും. നവംബർ 23 മുതൽ ഡിസംബർ 10 വരെ നീളുന്ന ആഘോഷരാവുകൾ മയ്യഴിപ്പുഴയുടെ തീരങ്ങളിൽ ദൃശ്യ വിരുന്നൊരുക്കും. ജാതി മത വർണ്ണ ഭേദമന്യേ മലബാറില എല്ലാ വിഭാഗക്കാരെയും സ്വാഗതം ചെയ്യുന്ന ആഘോഷങ്ങൾക്കാണ് പെരിങ്ങത്തൂർ സാക്ഷ്യം വഹിക്കുന്നത്.

ബ്രിട്ടീഷുകാരും ഫ്രഞ്ചുകാരും തമ്മിലുള്ള അധികാര വടംവലിയിൽ പെരിങ്ങത്തൂരും ഒരു ഘടകമായിരുന്നു. വ്യവസായിക രംഗത്ത് കേരളത്തിൽ വലിയ മാറ്റങ്ങളാണു വന്നുകൊണ്ടിരിക്കുന്നത്. എല്ലാ മേഖലയിലും സഹകരണ പ്രസ്ഥാനങ്ങൾ ചേർന്നൊരുക്കുന്ന എക്സ്പോ മലബാറിൽ ജനകീയമാകുമെന്നുറപ്പ്. വടക്കൻപാട്ടുകളിൽ പെരിങ്ങണ്ടനാടൻ പുഴ എന്ന് പറയപ്പെടുന്ന മയ്യഴിപ്പുഴയുടെ തീരത്തെ പ്രധാന ദേശമാണ് പെരിങ്ങത്തൂർ.

കാഴ്ചക്കാർക്ക് വ്യത്യസ്ത അനുഭവം പകരാൻ വർണ്ണങ്ങളുടെയും സാംസ്‌കാരിക പ്രകടനങ്ങളുടെയും കമ്മ്യൂണിറ്റി സദസ്സുകളുടെയും അരങ്ങിന് പെരിങ്ങത്തൂർ സജ്ജമാണ്. സമ്പന്നമായ പൈതൃകവും പാരമ്പര്യവും ആഘോഷിക്കാൻ ജീവിതത്തിന്റെ എല്ലാ തുറകളിലുമുള്ള ആളുകളും ഒരുമിക്കുന്ന അവിസ്മരണീയ സായാഹ്നങ്ങളിൽ മയ്യഴിപ്പുഴയുടെ തീരങ്ങളിൽ മുഴുകാൻ നിങ്ങളും തയ്യാറാകൂ. മേളയുടെ ഭാഗമായി നിരവധി ഫാമിലി ഗെയിംമുകളും, ബിസ്സിനസ്സ് എക്സ്പോ, ത്രീ ഡി സിനിമ സോണുകളും.

രുചിയിൽ പൊരിച്ച തനി നടൻ മലബാറിന്റെ വൈവിദ്ധ്യങ്ങളുമായി ഫുഡ് കോർട്ടും എക്‌സ്‌പോയിൽ സജ്ജമാണ്. കൂടാതെ മാപ്പിളപ്പാട്ടിന്റെ ഇശൽ രാവുകളും കൂടി ചേരുമ്പോൾ ആഘോഷങ്ങൾക്ക് ഒട്ടും കുറവുണ്ടാകില്ല. പെരിങ്ങത്തൂരില മണ്ണിലെ വെള്ളി നക്ഷത്രങ്ങൾ മിന്നി തിളങ്ങിയ ആഘോഷ രാവിൽ സൗഹൃദത്തിന്റെ ആസ്വാദനമികവിന്റെയും കണ്ണഞ്ചിക്കും കാഴ്ചകൾക്കായി നിങ്ങളും ഒരുങ്ങിക്കോളൂ...

പെരിങ്ങത്തൂർ എക്സ്പോ നിങ്ങൾക്കായി സമ്മാനിക്കുന്ന, ബിസിനസ് എക്സ്പോ, ഫ്ലവർ ഷോ, ഫുഡ് കോർട്ട്, അമ്യൂസ്മെന്റ് പാർക്ക്, ചിൽഡ്രൻസ് പാർക്ക്, ഫാമിലി ഗെയിം, സ്‌റ്റേജ്‌ ഷോ, 12 ഡി സിനിമ, ഗെയിം സോൺ തുടങ്ങി നിരവധി സാംസ്കാരിക പരിപാടികളും. വർണ്ണാഭമായി നടത്തുന്ന പെരിങ്ങത്തൂർ എക്സ്പോ 2023 യിലേയ്ക്ക് ഏവരെയും ഹൃദ്യമായി സ്വാഗതം ചെയ്യുന്നു. വരണം...കാണണം...കുടുംബത്തോടൊപ്പം...............

### Related Links & Sources
- [Original Story Source](https://panoor.truevisionnews.com/news/164461/peringathur-expo-begins-todayofficial-opening-tomorrow)