---
title: "#died |  ദുബൈ കറാമ ഗ്യാസ് സിലിണ്ടർ അപകടം ;  ഗുരുതരാവസ്ഥയിൽ ചികിത്സയിലായിരുന്ന തലശ്ശേരി പുന്നോൽ സ്വദേശി മരിച്ചു "
english_title: "#Dubai Karama Gas #Cylinder #Accident;A native of #Punnol,#Thalassery, who was #undergoing treatment in a# critical #condition, died"
publisher: "panoornews.in"
canonical_url: "https://panoor.truevisionnews.com/news/163228/dubai-karama-gas-cylinder-accidenta-native-of-punnol-thalassery-who-was-undergoing-treatment-in-a-critical-condition-died"
published_at: "2023-11-18T13:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6558690981203_Untitled-4_copy.jpg"
keywords: []
---

# #died |  ദുബൈ കറാമ ഗ്യാസ് സിലിണ്ടർ അപകടം ;  ഗുരുതരാവസ്ഥയിൽ ചികിത്സയിലായിരുന്ന തലശ്ശേരി പുന്നോൽ സ്വദേശി മരിച്ചു 

> **Lead Summary:** തലശ്ശേരി: ദുബൈ കറാമ ഗ്യാസ് സിലിണ്ടർ അപകടം ഗുരുതരാവസ്ഥയിൽ ചികിത്സയിലായിരുന്ന തലശ്ശേരി പുന്നോൽ സ്വദേശി മരിച്ചു ദുബൈ കറാമയിൽ കഴിഞ്ഞമാസം ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ പരിക്കേറ്റ ഒരു മലയാളി കൂടി മരിച്ചു. ദുബൈ റാശിദ് ആശുപത്രിയിൽ ഗുരുതരാവസ്ഥയിൽ കഴിഞ്ഞിരുന്ന തലശ്ശേരി പുന്നോൽ സ്വദേശി നഹീൽ നിസാറാണ് മരിച്ചത്.

## Article Content

തലശ്ശേരി: ദുബൈ കറാമ ഗ്യാസ് സിലിണ്ടർ അപകടം ഗുരുതരാവസ്ഥയിൽ ചികിത്സയിലായിരുന്ന തലശ്ശേരി പുന്നോൽ സ്വദേശി മരിച്ചു ദുബൈ കറാമയിൽ കഴിഞ്ഞമാസം ഗ്യാസ് സിലിണ്ടർ പൊട്ടിത്തെറിച്ചുണ്ടായ അപകടത്തിൽ പരിക്കേറ്റ ഒരു മലയാളി കൂടി മരിച്ചു. ദുബൈ റാശിദ് ആശുപത്രിയിൽ ഗുരുതരാവസ്ഥയിൽ കഴിഞ്ഞിരുന്ന തലശ്ശേരി പുന്നോൽ സ്വദേശി നഹീൽ നിസാറാണ് മരിച്ചത്.

ഇതോടെ അപകടത്തിൽ മരിച്ച മലയാളികളുടെ എണ്ണം മൂന്നായി. ഒക്ടോബർ 17ന് അർധരാത്രിയാണ് കറാമ ബിൻ ഹൈദർ ബിൽഡിങിൽ ഗ്യാസ് സിലിണ്ടർ പൊട്ടിത്തെറിച്ച് തീപിടിത്തമുണ്ടായത്. മലപ്പുറം പറവണ്ണ സ്വദേശി യഅഖൂബ് അബ്ദുല്ല, പരിക്കേറ്റ് ചികിത്സയിലായിരുന്ന തലശ്ശേരി സ്വദേശി നിധിൻ ദാസ് എന്നിവർ നേരത്തെ മരിച്ചു.

ഇന്ന് രാവിലെ മരിച്ച നിഹാൽ നിസാർ ഡമാക്ക് ഹോൾഡിങ് ജീവനക്കാരനാണ്. പുന്നോൽ കഴിച്ചാൽ പൊന്നബത്ത് പൂഴിയിൽ നിസാറിന്റെയും ഷഫൂറയുടെയും മകനാണ്. മൃതദേഹം ദുബൈയിൽ ഖബറടക്കുമെന്ന് ബന്ധുക്കൾ അറിയിച്ചു. അപകടത്തിൽ പരിക്കേറ്റ ഒരു യുവാവ് കൂടി ആശുപത്രിയിൽ ചികിത്സയില്‍ തുടരുകയാണ്.

### Related Links & Sources
- [Original Story Source](https://panoor.truevisionnews.com/news/163228/dubai-karama-gas-cylinder-accidenta-native-of-punnol-thalassery-who-was-undergoing-treatment-in-a-critical-condition-died)