---
title: "# Zainaba murder |  കോഴിക്കോട് സൈനബ കൊലക്കേസ്സിലെ കൂട്ട് പ്രതിയെയും പിടികൂടി ; കസ്റ്റഡിയിലെടുത്തത് സേലത്ത് നിന്ന് "
english_title: "Kozhikode Zainaba murder case co-accused arrested;Arrested from Salem"
publisher: "panoornews.in"
canonical_url: "https://panoor.truevisionnews.com/news/162402/kozhikode-zainaba-murder-case-co-accused-arrestedarrested-from-salem"
published_at: "2023-11-15T13:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/655474736bb99_Untitled-10_copy.jpg"
keywords: []
---

# # Zainaba murder |  കോഴിക്കോട് സൈനബ കൊലക്കേസ്സിലെ കൂട്ട് പ്രതിയെയും പിടികൂടി ; കസ്റ്റഡിയിലെടുത്തത് സേലത്ത് നിന്ന് 

> **Lead Summary:** **കോഴിക്കോട്: **കോഴിക്കോട് സൈനബ കൊലക്കേസ്സിലെ കൂട്ട് പ്രതിയെയും പിടികൂടി ; കസ്റ്റഡിയിലെടുത്തത് സേലത്ത് നിന്ന് കോഴിക്കോട് കുറ്റിക്കാട്ടൂര്‍ സ്വദേശിയായ സൈനബയെ കൊലപ്പെടുത്തിയ കേസില്‍ കൂട്ട് പ്രതിയെ പൊലീസ് പീടികൂടി. സേലത്തുവെച്ചാണ് കസബ പൊലീസ് പ്രതിയെ പിടികൂടിയത്. സൈബർ സെൽ സഹായത്തോടെ ആണ് ഇയാള്‍ സേലത്തുണ്ടെന്ന് തിരിച്ചറിഞ്ഞത്.

## Article Content

**കോഴിക്കോട്: **കോഴിക്കോട് സൈനബ കൊലക്കേസ്സിലെ കൂട്ട് പ്രതിയെയും പിടികൂടി ; കസ്റ്റഡിയിലെടുത്തത് സേലത്ത് നിന്ന് കോഴിക്കോട് കുറ്റിക്കാട്ടൂര്‍ സ്വദേശിയായ സൈനബയെ കൊലപ്പെടുത്തിയ കേസില്‍ കൂട്ട് പ്രതിയെ പൊലീസ് പീടികൂടി. സേലത്തുവെച്ചാണ് കസബ പൊലീസ് പ്രതിയെ പിടികൂടിയത്. സൈബർ സെൽ സഹായത്തോടെ ആണ് ഇയാള്‍ സേലത്തുണ്ടെന്ന് തിരിച്ചറിഞ്ഞത്.

തുടര്‍ന്ന് കസബ പൊലീസ് തമിഴ്നാട്ടിലെ സേലത്തെത്തി നടത്തിയ അന്വേഷണത്തിലാണ് സുലൈമാനെ പിടികൂടിയത്. പ്രതിയുമായി പൊലീസ് കേരളത്തിലേക്ക് തിരിച്ചു. കേസില്‍ നേരത്തെ മുഖ്യപ്രതിയായ മലപ്പുറം സ്വദേശി സമദിനെ പൊലീസ് അറസ്റ്റ് ചെയ്തിരുന്നു. സമദ് നല്‍കിയ മൊഴിയിലാണ് കോഴിക്കോട് കുറ്റിക്കാട്ടൂരില്‍നിന്ന് കാണാതായ വീട്ടമ്മ സൈനബയുടെ തിരോധാനം കൊലപാതകമാണെന്ന് വ്യക്തമായത്.

തുടര്‍ന്ന് സമദുമായി നടത്തിയ തെളിവെടുപ്പില്‍ കാണാതായ വീട്ടമ്മ സൈനബയുടെ മൃതദേഹം  നാടുകാണി ചുരത്തിൽ നിന്ന് കഴിഞ്ഞ ദിവസം കണ്ടെത്തിയിരുന്നു. പ്രതിയായ സമദിന്റെ മൊഴിയുടെ അടിസ്ഥാനത്തിലായിരുന്നു പൊലീസ് ചുരത്തിൽ പരിശോധന നടത്തിയത്.

കോഴിക്കോട് സ്വദേശിനിയായ വീട്ടമ്മയെ കഴുത്തുഞെരിച്ച് കൊലപ്പെടുത്തി കൊക്കയില്‍ തള്ളിയെന്നായിരുന്നു സമദിന്റെ മൊഴി. ചുരത്തില്‍ മൃതദേഹം ഉപേക്ഷിച്ചെന്ന് പറയുന്ന സ്ഥലത്തുനിന്ന് തന്നെയാണ് സ്ത്രീയുടെ മൃതദേഹം കണ്ടെത്തിയത്.

### Related Links & Sources
- [Original Story Source](https://panoor.truevisionnews.com/news/162402/kozhikode-zainaba-murder-case-co-accused-arrestedarrested-from-salem)