---
title: "#arrest|  നാദാപുരത്ത് വിദ്യാർത്ഥിനിയ്ക്ക് കുത്തേറ്റ സംഭവം; യുവാവ് കസ്റ്റഡിയിൽ "
english_title: "Student stabbed in Nadapuram;The youth is in custody"
publisher: "panoornews.in"
canonical_url: "https://panoor.truevisionnews.com/news/149135/student-stabbed-in-nadapuramthe-youth-is-in-custody"
published_at: "2023-09-26T14:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6512a87cf2b76_Untitled-5_copy.jpg"
keywords: []
---

# #arrest|  നാദാപുരത്ത് വിദ്യാർത്ഥിനിയ്ക്ക് കുത്തേറ്റ സംഭവം; യുവാവ് കസ്റ്റഡിയിൽ 

> **Lead Summary:** **നാദാപുരം : ** നാദാപുരത്ത് വിദ്യാർത്ഥിനിയ്ക്ക് കുത്തേറ്റ സംഭവത്തിൽ യുവാവ് കസ്റ്റഡിയിൽ. വിലങ്ങാട് സ്വദേശിയായ യുവാവിനെയാണ് പൊലീസ് കസ്റ്റഡിയിലെടുത്തിട്ടുള്ളത്.

## Article Content

**നാദാപുരം : ** നാദാപുരത്ത് വിദ്യാർത്ഥിനിയ്ക്ക് കുത്തേറ്റ സംഭവത്തിൽ യുവാവ് കസ്റ്റഡിയിൽ. വിലങ്ങാട് സ്വദേശിയായ യുവാവിനെയാണ് പൊലീസ് കസ്റ്റഡിയിലെടുത്തിട്ടുള്ളത്.

ഇന്ന് ഉച്ചയ്ക്ക് രണ്ടുമണിയോടെയാണ് കല്ലാച്ചിയിൽ വിദ്യാർത്ഥിനിയ്ക്ക് കുത്തേറ്റത്. വാണിമേൽ പച്ചപ്പാലം സ്വദേശിയ്ക്കാണ് കുത്തേറ്റതെന്ന് പറയപ്പെടുന്നു. വിദ്യാർത്ഥിനി റോഡിലൂടെ നടന്നുപോകവേ യുവാവ് പിന്നിൽ നിന്ന് കുത്തിയെന്നാണ് ലഭിക്കുന്ന വിവരം. പെൺകുട്ടി നിലവിൽ നാദാപുരം താലൂക്ക് ആശുപത്രിയിൽ ചികിത്സയിലാണ്.

നാദാപുരത്ത് വിദ്യാർത്ഥിനിയ്ക്ക് കുത്തേറ്റ സംഭവത്തിൽ കൂടുതൽ വിവരങ്ങൾ പുറത്ത്. ഇന്ന് ഉച്ചയ്ക്ക് രണ്ടുമണിയോടെയാണ് കല്ലാച്ചിയിൽ വിദ്യാർത്ഥിനിയ്ക്ക് കുത്തേറ്റത്. പട്ടാപകൽ വിദ്യാർത്ഥിനിയ്ക്ക് നേരെയുള്ള ആക്രമണത്തിന്റെ ഞെട്ടലിലാണ് നാട്ടുകാർ. വാണിമേൽ പുതുക്കയം സ്വദേശിയായ 17 കാരിയെയാണ് കുത്തിയത്.

പുതുക്കയത്ത് താമസിക്കുന്ന അർഷാദ് ആണ് പെൺകുട്ടിയെ കത്തികൊണ്ട് കുത്തി പരിക്കേൽപ്പിച്ചത്. ഇയാളെ പൊലീസ് കസ്റ്റഡിയിൽ എടുത്തു. ഇന്ന് ഉച്ചയ്ക്ക് രണ്ടുമണിയോടെയാണ് സംഭവം.

നേരത്തെ പ്രണയത്തിൽ ആയിരുന്ന ഇവർ തമ്മിൽ വിവാഹം ഉറപ്പിച്ചിരുന്നു. പിന്നീട് വിവാഹത്തിൽ നിന്ന് പെൺകുട്ടി പിന്മാറുകയായിരുന്നു. കല്ലാച്ചി പഴയ മാർക്കറ്റ് റോഡിൽ എത്തിയ പെൺകുട്ടിയുടെ പിന്നാലെ എത്തിയ അർഷാദ് മൂന്ന് തവണ കുട്ടിയെ അടിക്കുകയും പിന്നീട് കയ്യിൽ കരുതിയ കത്തി കൊണ്ട് കുത്തുകയുമായിരുന്നു. സമീപത്തെ കച്ചവടം ചെയ്യുന്ന അഫ്സലും മറ്റുള്ളവരും ഓടിയെത്തിയതിനാൽ പെൺകുട്ടി പരിക്കുകളോടെ രക്ഷപ്പെട്ടു.

കൈക്ക് പരിക്കേറ്റ കുട്ടിയെ നാദാപുരം താലൂക്ക് ആശുപത്രിയിൽ പ്രവേശിപ്പിച്ചു. കടയുടമ അഫ്സലിനും നിസാര പരിക്കുണ്ട്. നാദാപുരം പോലീസ് സ്ഥലത്തെത്തി സി സി ടി വി ദൃശ്യങ്ങൾ പരിശോധിച്ചു. നാദാപുരം താലൂക്ക് ആശുപത്രി കഴിയുന്ന കുട്ടിയുടെ മൊഴിയും രേഖപ്പെടുത്തി.

### Related Links & Sources
- [Original Story Source](https://panoor.truevisionnews.com/news/149135/student-stabbed-in-nadapuramthe-youth-is-in-custody)