---
title: "മട്ടന്നൂരില്‍ പന്നിപ്പനി സ്ഥിരീകരിച്ചു ; ഫാമിലെ മുഴുവന്‍ പന്നികളെയും കൊന്ന് മറവ് ചെയ്യാൻ ഉത്തരവ്"
english_title: "Swine flu confirmed in Mattannur;Order to kill and hide all the pigs on the farm"
publisher: "panoornews.in"
canonical_url: "https://panoor.truevisionnews.com/news/126318/swine-flu-confirmed-in-mattannurorder-to-kill-and-hide-all-the-pigs-on-the-farm"
published_at: "2023-07-01T10:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/649faf03ec147_Untitled-1_copy.jpg"
keywords: []
---

# മട്ടന്നൂരില്‍ പന്നിപ്പനി സ്ഥിരീകരിച്ചു ; ഫാമിലെ മുഴുവന്‍ പന്നികളെയും കൊന്ന് മറവ് ചെയ്യാൻ ഉത്തരവ്

> **Lead Summary:** **മട്ടന്നൂർ : ** മട്ടന്നൂരില്‍ പന്നിപ്പനി സ്ഥിരീകരിച്ചു. മാലൂര്‍ ഗ്രാമപഞ്ചായത്തിലെ പവിത്രന്‍ പഴയങ്ങോടിന്റെ ഉടമസ്ഥതയിലുള്ള പന്നി ഫാമിലാണ് രോ​ഗം സ്ഥിരീകരിച്ചത്. പന്നികളെ ഉന്മൂലനം ചെയ്ത് ജഡങ്ങള്‍ മാനദണ്ഡങ്ങള്‍ പ്രകാരം സംസ്‌കരിച്ച് റിപ്പോര്‍ട്ട് നല്‍കാന്‍ ജില്ലാ മൃഗ സംരക്ഷണ ഓഫീസര്‍ക്ക് നിര്‍ദേശം നല്‍കി .

## Article Content

**മട്ടന്നൂർ : ** മട്ടന്നൂരില്‍ പന്നിപ്പനി സ്ഥിരീകരിച്ചു. മാലൂര്‍ ഗ്രാമപഞ്ചായത്തിലെ പവിത്രന്‍ പഴയങ്ങോടിന്റെ ഉടമസ്ഥതയിലുള്ള പന്നി ഫാമിലാണ് രോ​ഗം സ്ഥിരീകരിച്ചത്. പന്നികളെ ഉന്മൂലനം ചെയ്ത് ജഡങ്ങള്‍ മാനദണ്ഡങ്ങള്‍ പ്രകാരം സംസ്‌കരിച്ച് റിപ്പോര്‍ട്ട് നല്‍കാന്‍ ജില്ലാ മൃഗ സംരക്ഷണ ഓഫീസര്‍ക്ക് നിര്‍ദേശം നല്‍കി .

ഈ ഫാമിലെയും രോഗബാധിത മേഖലയിലുള്ള വിജേഷ് മുണ്ടയാടിന്റെ ഫാമിലെയും മുഴുവന്‍ പന്നികളെയും അടിയന്തിരമായി ഉന്മൂലനം ചെയ്ത് മറവ് ചെയ്യാനും പ്രഭവ കേന്ദ്രത്തിനു പുറത്ത് 10 കിലോമീറ്റര്‍ ചുറ്റളവില്‍ രോഗനിരീക്ഷണം ഏര്‍പ്പെടുത്താനും ജില്ലാ ദുരന്ത നിവാരണ അതോറിറ്റി ചെയര്‍മാനായ ജില്ലാ കലക്ടര്‍ എസ് ചന്ദ്രശേഖര്‍ ഉത്തരവിട്ടു.

മാലൂര്‍ ഗ്രാമ പഞ്ചായത്തിലെ രോഗം സ്ഥിരീകരിച്ച പന്നി ഫാമുകളില്‍നിന്നു മറ്റ് പന്നി ഫാമുകളിലേക്ക് കഴിഞ്ഞ രണ്ടു മാസങ്ങള്‍ക്കുള്ളില്‍ പന്നികളെ കൊണ്ടുപോയിട്ടുണ്ടോ എന്ന് പരിശോധിച്ചു അടിയന്തിര റിപ്പോര്‍ട്ട് സമര്‍പ്പിക്കണം.

മറ്റ് സംസ്ഥാനങ്ങളില്‍ നിന്നും ജില്ലകളില്‍ നിന്നും പന്നി മാംസവും പന്നികളെയും അനധികൃതമായി ജില്ലയിലേക്ക് കടത്താന്‍ സാധ്യതയുള്ളതിനാല്‍ ചെക്ക് പോസ്റ്റുകളിലും ജില്ലയിലേക്കുള്ള മറ്റ് പ്രവേശന മാര്‍ഗങ്ങളിലും പൊലീസുമായും ആര്‍ടിഒയുമായും ചേര്‍ന്ന് മൃഗ സംരക്ഷണ വകുപ്പ് കര്‍ശനമായ പരിശോധന നടത്തും. രോഗ വിമുക്ത മേഖലയില്‍നിന്നുള്ള പന്നികളെ മാത്രമേ ജില്ലയിലേക്ക് പ്രവേശിപ്പിക്കുന്നുള്ളൂ എന്ന് ഉറപ്പ് വരുത്തും.

### Related Links & Sources
- [Original Story Source](https://panoor.truevisionnews.com/news/126318/swine-flu-confirmed-in-mattannurorder-to-kill-and-hide-all-the-pigs-on-the-farm)