---
title: "മോന്‍സന്‍ മാവുങ്കല്‍ തട്ടിപ്പ് കേസിൽ  കെ സുധാകരനെതിരെ  വഞ്ചനക്കുറ്റം ; രണ്ടാം പ്രതിയാക്കി  ക്രൈംബ്രാഞ്ച്"
english_title: "Monsan Maungkal fraud caseAgainst K SudhakaranThe crime branch has been made the second accused"
publisher: "panoornews.in"
canonical_url: "https://panoor.truevisionnews.com/news/121851/monsan-maungkal-fraud-caseagainst-k-sudhakaranthe-crime-branch-has-been-made-the-second-accused"
published_at: "2023-06-12T19:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64872490a5129_Untitled-2_copy.jpg"
keywords: []
---

# മോന്‍സന്‍ മാവുങ്കല്‍ തട്ടിപ്പ് കേസിൽ  കെ സുധാകരനെതിരെ  വഞ്ചനക്കുറ്റം ; രണ്ടാം പ്രതിയാക്കി  ക്രൈംബ്രാഞ്ച്

> **Lead Summary:** **കണ്ണൂർ : **മോൻസൻ മാവുങ്കൽ തട്ടിപ്പ് കേസില്‍ കെപിസിസി അധ്യക്ഷന്‍ കെ സുധാകരനെ പ്രതി ചേർത്തു. വഞ്ചനാക്കുറ്റം ചുമത്തിയാണ് കെ സുധാകരനെതിരെ ക്രൈംബ്രാഞ്ച് കേസെടുത്തത്. രണ്ടാം പ്രതിയാക്കിയാണ് കേസെടുത്തിരിക്കുന്നത്.

## Article Content

**കണ്ണൂർ : **മോൻസൻ മാവുങ്കൽ തട്ടിപ്പ് കേസില്‍ കെപിസിസി അധ്യക്ഷന്‍ കെ സുധാകരനെ പ്രതി ചേർത്തു. വഞ്ചനാക്കുറ്റം ചുമത്തിയാണ് കെ സുധാകരനെതിരെ ക്രൈംബ്രാഞ്ച് കേസെടുത്തത്. രണ്ടാം പ്രതിയാക്കിയാണ് കേസെടുത്തിരിക്കുന്നത്.

ചോദ്യം ചെയ്യലിനായി ബുധനാഴ്ച ഹാജരാകാന്‍ സുധാകരന് ക്രൈംബ്രാഞ്ച് നോട്ടീസ് അയച്ചിട്ടുണ്ട്. മോൻസൻ മാവുങ്കലിന്‍റെ സാമ്പത്തിക തട്ടിപ്പ് കേസിൽ കെപിസിസി പ്രസിഡന്‍റ് കെ സുധാകരൻ എംപിക്കെതിരെ നേരത്തെ ഗുരുതരാരോപണം ഉയര്‍ന്നിരുന്നു.

സുധാകരന്‍റെ സാന്നിധ്യത്തിലാണ് മോൻസൻ മാവുങ്കലിന് 25 ലക്ഷം രൂപ കൈമാറിയതെന്ന് പരാതിക്കാർ ക്രൈംബ്രാഞ്ചിനെ രേഖാമൂലം അറിയിച്ചത്. 2018 നവംബ‍ർ 22 ന് മോന്‍സന്‍റെ കലൂരുലുള്ള വീട്ടിൽവെച്ച് കെ സുധാകരന്‍റെ സാന്നിധ്യത്തിൽ 25 ലക്ഷം രൂപ കൈമാറിയെന്നാണ് പരാതിക്കാർ ക്രൈംബ്രാഞ്ചിനെ അറിയിച്ചത്. കെ സുധാകരൻ എംപി എന്നാണ് ഇവരുടെ പരാതിയിൽ ഉളളതെങ്കിലും 2018 ൽ സംഭവം നടക്കുമ്പോള്‍ സുധാകരൻ എംപിയായിരുന്നില്ല.

### Related Links & Sources
- [Original Story Source](https://panoor.truevisionnews.com/news/121851/monsan-maungkal-fraud-caseagainst-k-sudhakaranthe-crime-branch-has-been-made-the-second-accused)