---
title: "മുഖ്യമന്ത്രിക്കും, പാർട്ടി സെക്രട്ടറിക്കും എതിരായ ആരോപണം ; സ്വപ്ന സുരേഷിനും വിജേഷ് പിള്ളയ്ക്കുമെതിരെ പരാതിയുമായി കണ്ണൂരിലെ  സിപിഎം നേതൃത്വം "
english_title: "Allegation against Chief Minister and Party Secretary;CPM leadership in Kannur filed a complaint against Swapna Suresh and Vijesh Pillai"
publisher: "panoornews.in"
canonical_url: "https://panoor.truevisionnews.com/news/103501/allegation-against-chief-minister-and-party-secretarycpm-leadership-in-kannur-filed-a-complaint-against-swapna-suresh-and-vijesh-pillai"
published_at: "2023-03-17T11:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6413fc13ca1c6_download_(1).jpg"
keywords: []
---

# മുഖ്യമന്ത്രിക്കും, പാർട്ടി സെക്രട്ടറിക്കും എതിരായ ആരോപണം ; സ്വപ്ന സുരേഷിനും വിജേഷ് പിള്ളയ്ക്കുമെതിരെ പരാതിയുമായി കണ്ണൂരിലെ  സിപിഎം നേതൃത്വം 

> **Lead Summary:** തളിപ്പറമ്പ് ഏരിയ സെക്രട്ടറി കെ സന്തോഷാണ് തളിപ്പറമ്പ് പൊലീസിൽ പരാതി നൽകിയത്. മുഖ്യമന്ത്രിക്കും എം വി ഗോവിന്ദനും എതിരായ അപവാദ പ്രചരണങ്ങളിൽ നടപടി ആവശ്യപ്പെട്ടാണ് പരാതി.

## Article Content

തളിപ്പറമ്പ് ഏരിയ സെക്രട്ടറി കെ സന്തോഷാണ് തളിപ്പറമ്പ് പൊലീസിൽ പരാതി നൽകിയത്. മുഖ്യമന്ത്രിക്കും എം വി ഗോവിന്ദനും എതിരായ അപവാദ പ്രചരണങ്ങളിൽ നടപടി ആവശ്യപ്പെട്ടാണ് പരാതി.

തളിപ്പറമ്പ് എസ്എച്ച്ഒയ്ക്കാണ് പരാതി നൽകിയത്. സ്വപ്ന സുരേഷും വിജേഷ് പിള്ളയും ഗൂഢാലോചന നടത്തിയാണ് വീഡിയോ തയ്യാറാക്കിയതെന്ന് പരാതിയില്‍ ആരോപിക്കുന്നു.

വീഡിയോയിലെ സംഭാഷണം പുറത്ത് വിടാതിരിക്കുന്നത് ദുരൂഹമാണ്. സിപിഎം സംസ്ഥാന സെക്രട്ടറിയെയും മുഖ്യമന്ത്രിയെയും അപകീർത്തിപ്പെടുത്താൻ ഗൂഢാലോചന നടന്നുവെന്നും വ്യാജ രേഖ ചമ്മച്ചെന്നും പരാതിക്കാരൻ ആരോപിക്കുന്നു.

എന്നാല്‍, പരാതില്‍ പൊലീസ് ഇതുവരെ എഫ്ഐആര്‍ എടുത്തിട്ടില്ല. എഫ്ഐആര്‍ എടുക്കുന്നത് സംബന്ധിച്ച് ചില നിയമോപദേശം ലഭിക്കേണ്ടതുണ്ട് എന്നാണ് വിവരം. പൊലീസ് എഫ്ഐആര്‍ എടുത്തില്ലെങ്കില്‍ കോടതിയെ സമീപിക്കാനാണ് സിപിഎം തീരുമാനം എന്നാണ് വിവരം.

### Related Links & Sources
- [Original Story Source](https://panoor.truevisionnews.com/news/103501/allegation-against-chief-minister-and-party-secretarycpm-leadership-in-kannur-filed-a-complaint-against-swapna-suresh-and-vijesh-pillai)